搬了入元朗，都有大半年，每次出去食飯都有新發現。今日試了間泰國菜-金泰釧皇者咖哩，都算係我食過的最好味的一間，價錢又合理，可能始終係元朗，所以都係平D。而且一入到間埔,你會以為自己係泰國添，因為一餐飯便好似去了旅行，都幾好喎!!!!!

元朗真係掂，上次試個間New York Bar，無論氣氛同食物…..都十分滿足，又係一次疑似去了旅行的感覺，正。

沉睡了張近一個月，終於係一個十、一假期回魂了。

最近身邊有好多朋友病，而且病好耐都唔好。我比較好彩，係我覺得自己身體變得越來越差的時候，有一個長假期充下電，再加上行了一轉八仙嶺，整個人有脫胎換骨既感覺。

等我執完d相後，將近幾次行山的資料post出來先。

聽了盧覓雪的聲音專欄，便對變形金剛產生了興趣，加上有史匹堡作導演，相信只看特技已值回票價……

對於女士來說機械人是缺乏了一種美感同人性，所以都吸引不了我們的愛好。但看完Transformers之後，發現機械人原來可以好靚，又有性格(其實可能係d速度快到睇唔清楚，所以覺得特別利害)。就在Bumblebee叫喚同胞時，再加上佢笨笨地轉台，用電台聲音話自己係外星人的一刻，就喜歡上它了。……此終，我對笨笨地既野都特別有喜好。

唯一美中不足的地方是太小打鬥場面了，多一些會覺得睇得刺激些。而有些草率的結局，不知道是否專登模仿卡通片的結局模式啦!

去Sintra的火車去密，大約十多分鐘便有一班，好方便。

到達Sintra時，並不是一眼便看到幾座Palace，要向山行約十分鐘才可看見Sintra National Palace，特別係最起眼的大煙囪。如果知道佢有600年歷史便覺得都保存得幾好呀。

在Palace 出面向上望，可看見Castelo dos Mouros:

原路與Victor步行上去Pena National Palace，要50分鐘，好似有些迷路，不過都成功到達。遠處看見Pena，己覺太浮誇吧。又覺得唔係太真實，好似Logo入面的城堡，唔明點解要咁細緻。為了起這座城堡，差不多導致國家破產，真係……奇怪的國皇吧。入面每間房都好華麗，保留了大量傢俱及擺設。這是我看過咁多城堡最華麗的一座。值得睇!

由Pena望過去Castle，可看到弧形的海岸線。

只餘下兩天，今日返去Lisbon，等明天方便一點到Sintra。去到Hostel，Victor開始唔舒服，等他休息了一下，我們出去搭Elevador da Santa Justa。

上面係餐廳仔，又供遊客影相。影出來的里斯本其實都好可愛，特別在藍天下。

之後Victor陪了我去Benfica主場，係間手信店，Victor同我講你睇下果邊–>發現了一隻鷹，唔郁的。我同Victor講:「真定假」，因為佢大約有我對腳咁高，而且靚到有d假……之後發現原來係真的，就覺得好唔開心呀……虐畜呀!!!

到最後Victor都係發覺唔太舒服，所以同佢返了Hostel，而我安頓了Victor 後….去了整個行程最無聊活動……shopping。並買了些清淡的小食返去，Victor說他都是要留在Hostel了，待明天好番可以去Sintra。我便快快咁自己一個食飯，坐上電車

去Belem。(一個人的旅程份外刺激)。因為太夜了，所有野都關了，不過都別有一番風味。

Torre de Belem

Monument to the Discoveries

Ponte 25 de Abril 及Cristo Rei

Triumphal Arch

返到Hostel都十一點，好彩Victor未訓，而且佢好似好了很多，鬆晒。

係Evora留兩天，係因為好想去Monsaraz。但係都幾唔方便(不過都只有這條路)。由Evora到Monsaraz最早的巴士係1:30pm，而由Monsaraz返回Evora的尾班車居然係5:20pm，第一次感到自己開車的歐洲旅行會係幾好。

一路上有好多葡萄園，唔怪之得Alentejo的葡萄酒係全國咁出名。我地都有試過出產自Reguengos de Monsaraz 及 Monsaraz的葡萄酒 ^.^。

離遠處便看見坐立著平原上的Monsaraz castle，這時已覺得佢好獨特呀。 

Monsaza的平原:

落車時，有個奇怪的路牌，連謀一間餐廳都在路牌上，……便知道Monsaraz鎮有多大。

由Monsaraz castle影下來的全鎮景觀:

 由鬥獸場望出的Monsaraz遠觀:

 

未受旅遊污染的Monsaraz:

圍繞Monsaraz鎮漫步的我們(可看見後面的城牆):

天氣太好，我地要揾間餐廳用可口可樂急救。

知道Monsaraz位於葡萄牙及西班牙的邊界處，便多口問有名為小向量的他:”前定後係西班牙”，當時佢答我你睇太陽個邊，咪係西班牙。我當然相信佢，因為佢始終係粒向量，辨別方向能力應該好好，但係諗諗下地圖上葡萄牙係西班牙的西面，而下晝太陽又係西面。迷茫的我企係自己覺得係葡萄牙的平原上，上面套了西班牙名稱。結果都係認唔住，問了”葡萄牙係西班牙的西面哦!”

到了小向量正處於一個沉思狀態。然後，講……我被”西班牙”的西字搞亂了……又一陣沉默。

然後，……。

Evora小白屋內的檸檬樹:

我好喜愛係Evora住的小白屋，我們間房對住個後花園，裡頭種了幾百種花，而且有一棵大的檸檬樹，d檸檬好可愛。

其實葡萄牙人好喜愛在自己的屋裏種檸檬樹,有時我們會見倒大到手球的檸檬^.^。

由Tomar至Evora，一定要經過Lisbon，今次終於經過Ponte 25 de Abril及Cristo Rei。

唔知點解，Evora比我覺得好似希臘小白屋。

Praca do Giraldo:

 

估唔到葡萄牙保留了二千多年的Roman Temple，還很完整。見到d歷史建築，總覺得前人有多厲害呀，條柱還是curve的。點解可以保留到二千多年呢????總是這樣，站著‧‧‧看著‧‧‧看著‧‧‧，便著迷了。

其實係今次旅程我地都探訪過很多教堂，發現葡萄牙的教堂有幾個特點:

1. 唔會很高（與其他出名的歐洲教堂比較），但內裏的裝飾卻異常地細緻及堂皇，看過葡萄牙的教堂後，我第一次察覺堂皇是這樣用的。而其他歐洲教堂，大多只可說宏偉。

2. 很喜愛用磁磚作教堂的大壁畫。

3. 很多教堂都裝飾得金碧輝煌或色彩繽紛（比我覺得特別親切，而不是高不可攀）。

Tomar中心:

Tomar本來安排在前幾日去，但對於無耐性的我，因三番四次唔想等車，結果推到要由Porto去Tomar。其實都幾麻煩，最少車費貴，一個人約要17€。不過都無關係，因為Tomar隨了由Lisbon或Aveiro有直接巴士到達，其他地方都唔方便*.*。

睇d旅遊書由座Renassiance bridge望去Convento de Cristo，條河明明有好多水，但係我地去果日就好似香港d河潮退一樣，好淺水。不過就可以好清楚睇到有好多魚同鴨鴨。唔知我地下午食果個焗鴨，係咪來自River Nabao>.<…….唔理，因為好好食，並試了枝Tomar出產的紅酒,我自己覺得都ok，隨了有d淡。

行上去城堡，好宏偉呀，最鐘意係相片中的Charola，裡面個Church靚到……..我行入去時只有仰望，原地係咁轉，一路發出……嘩~~~~~~。

其實個城堡入面有自己的教堂，又有自已的條道院，睇落去真係唔似有千年歷史。

係夜晚…..又隱唔住，開了樽係Porto買的紅酒，，VINHO DO PORTO – Tawny酒。比起Tomar果枝…..係可以試倒有好大分別。

係Porto揾車搭去Braga，又看見Harry Potter大學生，看來是所有大學都有着斗蓬的傳統。

去到葡萄牙北面，發覺越北d野越平。想留多幾日係北面，但係已經第8日，而且還有2個Town未去，所以都要跟原本計劃-明天走。

而Victor選了係波圖的第二日去Braga:，去到Braga都十一點，連早餐都未食，決定食番個bunch。又比Victor 亂點亂撞，叫到個佢想試了幾日的傳統菜，我都唔知叫乜，

總之係用兩塊厚麵包，夾埋D腸、火腿、肉…再用芝士包住焗一焗，然後加汁，所以果兩塊麵包吸晒d汁，好heavy呀!!!!!

Braga係一個小城鎮，坐15分鐘巴士可去到Bom Jesus do Monte。整個建築好花心思，有十二個小禮拜堂加一個主教堂，有數個水池，而相中的其中五個是代表了，視、聽、味、嗅及觸覺。細心看每一建築的細緻，就知道十七世紀，Braga係一個重要既城市。

係Bom Jesus do Monte頂，影下的Braga鎮。

Antigo Paco Episcopal 係十四世紀大教主既城堡，係十七至十八世紀因一塲大火燒毀。現已改作圖書館及存檔用途。個花園開滿了花，好靚。

夜晚返了波圖，去了波圖個主場，比我想像先進得多：

　

之後Victor話波圖人好愛吃內臟，所以去了間九點幾都未關門的舖頭，叫了個有肝、腸、肉的主菜及一個好似雞粥既湯飯。結果…..d 肝同腸差唔多我一個人食晒。

明天要離開波圖，居然唔捨得。

好靚呀波圖!!!!

 

係波圖試了兩枝紅酒,又買了一支Croft 的Tawny回來。Croft係歷史上有記載的第一間出產Port酒的酒廠，等Victor由美國返來，再一齊飲過。

Porto係我在整個旅程中，其一最喜愛的城市。

一到達火車站你已經可以重重地感受到這個城市吸引人的魅力。

火車站 – Sao Bento Station 由修道院改建而成。

我們住係比較高的地方，景觀都不錯。

Praca da Liberdade/ Praca General Humberto Delgado / Camara Municipal 組合出來的效果十分華麗。

由Se及Statue of Vimera Peres處跳望的市中心，加上對面住了一家熱情的人，開着葡萄牙歌，一邊食飯一面唱歌，使我們在其中都覺得特別親切。

Porto個沿岸好靚，好似畫一樣。

去到Porto一定要買或試Port 酒。Port 酒起源於17世紀，英國商人為了防止葡萄酒在運送期間變酸，他們將酒加上糖，所以導致Port酒比其他酒甜，有些餐廳更將Port酒作飯後甜品。